ԵԳ Երիտասարդական Գրասենեակ
Related Articles
ՂԵԿԱՎԱՐՈՒԹԻՒՆ
Ղեկավարութիւն կը նշանակէ անհատի ազդեցութիւնը ուրիշ անհատի մը վրայ, որպէսզի վերջինս իր մասնակցութիւնը բերէ այն կազմակերպութեան աշխատանքներուն յաջողութեան, որուն ինք մաս կը կազմէ:
Ղեկավարութիւն բառը տարբեր լեզուներու մէջ տարբեր իմաստներ կը ստանայ: Օրինակ զինուորական ղեկավար, քաղաքական ղեկավար կամ ընդհանրապէս այլ խմբակներ առաջնորդողի իմաստ:
Ղեկավարները իրաւունք չունին ծախելու կամ գնելու ղեկավարութիւնը, ընդհակառակը՝ պէտք է առաջնորդը իր դիրքերը հաստատէ իրեն պատկանող խմբակի անդամներուն մտքին ու սրտին մէջ:
ՂԵԿԱՎԱՐՈՒԹԵԱՆ ԽՄԲԱՒՈՐՈՒՄՆԵՐՆ ՈՒ ՏԵՍԱԿՆԵՐԸ
Ղեկավարութիւնը կրնայ ըլլալ պաշտօնական կամ անպաշտօն, անուանական կամ գործնական:
Ղեկավարութեան տեսակներն են.-
1-Իշխանութեան մէջ եղող ղեկավարութիւն, ինչպէս՝ նախագահը:
2-Փորձառութիւն ունեցող, որոշ դիրքի մը վրայ գտնուող ղեկավար:
3-Բանակի մէջ ծառայող ղեկավար:
4-Ազնուական խաւի ղեկավար:
Տարբեր մշակոյթներ, մանաւանդ անոնք որոնք կը յարգեն տարիքի եւ իմաստութեան գործօնները, ղեկավարութիւնը անհատականութեան չափանիշ կը համարեն:
Ընկերութեան զարգացման հանգրուաններուն, դասակարգերը որպէս ղեկավարութեան աստիաճանաւորում ընդունուած են, ինչպէս՝ տեղակալ, հազարապետ, գնդապետ, զօրավար, եւայլն:
Ընդունուած համոզմունք է, որ զօրաւոր անհատականութեան ու հեղինակութեան տէր ղեկավարները կրնան հրաշքներ գործել:
Ղեկավարի մը ազդեցութեան մակարդակը որոշելու ամենապարզ ձեւը հետեւորդներու քանակի արժեւորումն է:
ՂԵԿԱՎԱՐԻՆ ՅԱՏԿՈՒԹԻՒՆՆԵՐԸ
1-Կարողութիւն ունենայ առաջնորդելու իր հետեւորդներ:
2-Ըլլայ տաղանդաւոր մարդ:
3-Ըլլայ նախաձեռնող մարդ:
4-Ուրիշներուն վրայ ազդելու, անոնց ներշնչելու եւ պարտականութիւն յանձնելու կարողութիւններ ունենայ:
5-Յատուկ ըմբռնում ունենայ իր նպատակներուն ու գործելաձեւին նկատմամբ:
6-Հետեւողական աշխատանք ունենայ:
7-Լաւատես ըլլալ:
8-Հաւատք ընծայէ մարդոց կարողութիւններուն վրայ:
9-Ինքնաճանաչ ըլլայ:
10-Ինգնագիտակից ըլլայ:
11-Ուրիշին լսելու կարողութիւնը ունենայ:
12-Մտապատկերացում ունենայ:
13-Ինքազոհողութեան եռանդ ունենայ:
14-Յատկանշուի վստահութեամբ, վճռակամութեամբ եւ յարատեւութեամբ:
15-Արտաքնապէս ներկայանալի ըլլայ:
16-Հաղորդակցութեան կարողութիւն ունենալ նաեւ զգացական եւ հոգեկան մակարդակով:
17-Հետեւորդներու ծառայողական աշխատանքի մղելու կարողութիւն ունենայ:
ՂԵԿԱՎԱՐԻՆ ՄՏԱՊԱՏԿԵՐՈՒՄԻՆ ՄԱՍԻՆ
Ղեկավարին մտապատկերումը պէտք է ըլլայ.-
1-Պարզ
2-Հեռանկարային
3-Ներկան ու ապագան ամրջող
ՂԵԿԱՎԱՐՈՒԹԻՒՆ ՈՒ ԿԱՐՈՂՈՒԹԵԱՆ
Ղեկավարութիւնն ու կարողութիւնը բառերը հոմանիշներ չեն իրարու:
Ղեկավարութիւնը համաձայն կարողութեան կրնանք բաժնել.
1-Կեդրոնացեալ
2-Ապակեդրոն
3-Ուրիշէ կախեալ
4-Անկախ
ՏԱՐԲԵՐՈՒԹԻՒՆՆԵՐԸ ՏՆՕՐԷՆԻՆ ԵՒ ՂԵԿԱՎԱՐԻՆ ՄԻՋԵՒ
1-Տնօրէնը կը մատակարարէ, իսկ ղեկավարէ կը նորարէ:
2-Տնօրէնը հարց կու տայ ինչպէ՞ս եւ ե՞րբ, իսկ ղեկավարը՝ ի՞նչ եւ ինչո՞ւ:
3-Տնօրէնը կը պահպանէ իսկ ղեկավարը կը զարգացնէ:
4-Տնօրէնը կը հսկէ, ղեկավարը վստահութիւն կը ներշնչէ:
ԽՄԲԱԿԱՆ ՂԵԿԱՎԱՐՈՒԹԻՒՆ
Կարգ մը կազմակերպութիւններ անհատ ղեկավարութեան փոխարէն կը նախընտրեն խմբական ղեկավարութեամբ ընթանալը: Այսինքն՝ մէկէ աւելի անհատներ ուղղութիւն տալու կարողութիւն կ՛ունենան:
Կազմակերպութիւնները այս ձեւին կը դիմեն մէկ կողմէն ստեղծագործական կարողութիւնները զարգացնելու, միւս կողմէն ծախսերը նուազեցնելու, որովհետեւ անհատական ղեկավարութիւնը ծախսալից կը համարեն:
ՂԵԿԱՎԱՐԻ ՅԱՋՈՂՈՒԹԵԱՆ ԳԱՂՏՆԻՔԸ
Ղեկավարը կը յաջողի իր գործին մէջ երբ ինքզինքն ու իր ղեկավարած կազմակերպութիւնը կը միաձուլէ:
