ԵԳ Երիտասարդական Գրասենեակ
Related Articles
Այս նիւթը հետաքրքրած է հոգեբանները, ինչո՞ւ չէ, նաեւ մեզ: Ուստի միշտ հարցուփորձի մէջ կը գտնենք մենքզմեզ…
Վերջերս ամերիկացի գիտնական հոգեբան դոկտ. Սեղմըն Մարթըն կարգ մը փորձերէ եւ պրպտումներէ ետք ձեռք բերած է գոյներու դասաւորումով բժշկութեան կարելիութիւնը: Հաստատած ըլլալով, որ գոյները մեծ ազդեցութիւն ունին անձի մը ֆիզիքականին, հոգեկանին եւ տրամադրութեան վրայ:
Եկէ՛ք միասին նայինք, թէ ի՞նչ կ’ըսեն մեզի այդ գոյները:
Կարմիրը՝ Զօրութիւն
Պատերազմի, արիւնի, սիրոյ եւ սրտի խորհրդանիշ է: Ջերմութիւն զետեղող եւ արեան շրջանը աշխուժացնող նաեւ առօրեայ մթնոլորտը փոփոխութեան ենթարկող եւ խանդավառող սիրուն գոյն մըն է: Երբ ուզէք ձեր կարողութիւնները բարձրացնել կամ հոգնութեան ծանրութիւնը ձեր ուսերէն վար առնել, գործածեցէք կարմիր գոյնը:
Դեղինը՝ Լուսաւորում
Արեւի, տաքութեան, ուրախութեան, հոգիի հանդարտութեան, մտքի պայծառութեան, առաւել՝ դառնութիւնները վերացնող գոյն մըն է:
Կապոյտը՝ Մեղմութիւն
Երկինք, ծով, երազային թափանցիկութիւն ներշնչող գոյն մըն է:
Հանդարտութեան, թուլութեան, հանգստութեան առաւել երազային ապրումներ ունենալու համար ընտրեցէք ծովային վայր մը, ուր ճնշող գոյնը պիտի ըլլայ կապոյտը:
Կանաչը՝ Կեանք
Գարուն, բնութիւն, յարատեւութիւն, կամքի զօրութիւն յայտնաբերող գոյն մը: Մի անտեսէք այս գոյնը, փորձեցէք ունենալ ձեր վրայ կամ ձեր մօտ վերանորոգման համար, որ անզգալաբար ձեզի միշտ պիտի յիշեցնէ բնութիւնը, որուն հետ մենք անմիջական կապ ունինք:
Ճերմակը՝ Մանկութիւն
Վերածնունդի, անմեղութեան, երեւակայութեան, պայծառութեան լուսաւորման գոյն մը: Հեքիաթային աշխարհ մտնելու, երեւակայութիւնները ընդարձակելու եւ մտքերը պայծառացնելու համար ընտրեցէք լուսաւոր բացօթեայ վայր մը:
Սեւը՝ Երազ
Նրբութիւն, պաշտօնականոթիւն ցուցաբերող գոյն մը, որ նախաձեւութեան մէջ կը գրաւէ առաջին կարգը:
Փորձեցէ՛ք այստեղի գոյները իրարու կապելով գտնել ձեր հակումը կեանքը վարդագո՞յն տեսնելու թէ սեւ անկիւնէն դիտելու:
1- Գեղեցկութիւն
Ա-մանիշակագոյն-կապոյտ
Բ-կանաչ-դեղին
2- Երջանկութիւն
Ա- կարմիր-կապոյտ
Բ- կանաչ-դեղին
3- Զօրակցութիւն
Ա-սեւ-կանաչ
Բ- կապոյտ-դեղին
4- Գործողութիւն
Ա-կապոյտ-դեղին
Բ-կարմիր-դեղին
5- Խաղաղութիւն
Ա-կապոյտ-սրճագոյն
Բ-դեղին-սեւ
6-Տխրութիւն
Ա- Սրճագոյն-սեւ
Բ- կապոյտ-սեւ
7- Ներդաշնակութիւն
Ա-կապոյտ-կարմիր
Բ- կանաչ-սեւ
8- Ներմղում
Ա- կարմիր-մոխրագոյն
Բ- Սրճագոյն-կանաչ
9- Անկեղծութիւն
Ա- կանաչ-կապոյտ
Բ- սրճագոյն-դեղին
10- Մեծամտութիւն
Ա- դեղին-կանաչ
Բ- դեղին-մոխրագոյն
Արդիւնքի ցուցակ
Ամէն անգամ, որ ընտրութիւնը կը համապատասխանէ այս ցուցակի արդիւնքին, 2 կէտ հաշուեցէք, իսկ եթէ ոչ, 1 կէտ, ապա գումարեցէ՛ք զանոնք:
-1ա, -2ա, -3բ, -4բ, -5ա, -6բ, -7ա, -8ա, -9բ, -10ա
-Եթէ (20-15) կէտ հաւաքեցիք, լաւատես անձ մըն էք: Առտուն կ’արթննաք բարձր տրամադրութեամբ եւ լաւ օր մը դիմագրաւելու լաւատեսութեամբ:
Կեանքի հանդէպ ձեր այս դրական կեցուածքը կ’օգնէ, որ յաղթահարէք որեւէ դժուարութիւն:
Երբեմն ձեր չափազանցուած լաւատեսութիւնը կրնայ յուսախաբ ընել ձեզ եւ անհաճոյ անակնկալներու առջեւ դնել:
Ամենայնդէպս ձեր լաւատեսութիւնը գնահատուած է ձեր շրջապատին կողմէ, շատեր քաջութիւն եւ օրինակ կ’առնեն ձեզմէ:
-Եթէ (14-8) կէտ հաւաքեցիք, իրատես անձ մըն էք, չափաւոր՝ ձեր խօսքերուն, կեցուածքներուն եւ արժեւորումներուն մէջ:
Ո՛չ անտեղի կը խանդավառուիք եւ ոչ ալ կը յուսալքուիք, ամէն բան չափուած, ձեւուած եւ հաշուուած է ձեր մօտ, այս պատճառով ալ շատ քիչ անգամ յուսախաբութիւն կ’ապրիք:
-Եթէ (7-0) կէտ հաւաքեցիք, շատ հաւանաբար ժխտական կամ ցաւալի փորձառութիւններու շարք մը մարած է ձեր մէջ լաւատեսութեան բոցը, այլապէս պատճառ չունիք այս աստիճան յոռետես ըլլալու: Պէտք է ամէն գնով ճիգ թափէք փոխելու ձեր ընթացքը, որպէսզի կեանքը աւելի հեշտ ու տանելի դառնայ:
Ըստ գիտնական եւ փիլիսոփայ Պուրդ Պուայի աչքերու ձեւին եւ գոյներուն բացատրութիւնը:
Սեւ աչքերը: Ջղային, զգայուն, նախանձոտ, փափկասիրտ, սիրտն է որ կ’իշխէ խելքին:
Կապոյտ աչքերը: Անձնասէր, խորունկ մտածող, համարձակ, գմահաճ, ուրիշներու վրայ մեծ ազդեցութիւն ձգող:
Մոխրագոյն աչքեր: Կոշտ
Կանաչ աչքեր: կամքի զօրութիւն, պաղարիւն, պնդագլուխ, աշխատասէր:
Սրճագոյն աչքեր: Գթասիրտ, զգայուն, ամջկոտ, աշխատասէր, պատրաստաբան:
Մեղրագոյն աչքեր: Հանդարտ, լուռ եւ զգացումները զսպող:
Մեծ աչքեր: Ջղային, զգացումներուն ետեւը պահուուտող:
Պզտիկ աչքեր: խելացի, բծախնդիր, խելքն է որ սրտին կ’իշխէ:
Կլօր աչք: Քիչ մտածող, միշտ աշխոյժ, մարդ սիրող:
Նշաձեւ աչքեր: Մանրամասնութիւններով հետաքրքրուող, կեանքը սիրող, լաւատես, բծախնդիր:
Ցցուն աչքեր: Յոռետես, մանրասնութիւններով չհետաքրքրուող, երեւիլը սիրող:
