ԵԳ Երիտասարդական Գրասենեակ
Related Articles
ՀԱՅ ՄԱՐՇԱԼՆԵՐ
Յովհաննէս Բարղամեան
Յովհաննէս Խաչատուրի Բարղամեանը ծնած է 1897 թ.ին: Նախնական կրթութիւնը ստացած է երկաթուղային դպրոցին մէջ, ապա Թիֆլիսի երկաթուղային թեքնիքական ուսումնարանին մէջ: Զիուորական ծառայութիւնը սկսած է 1915թ. որպէս կամաւոր շարքային զինուոր կովկասեան ռազմաճակատին մէջ:
1918-ին կռուած է թուրքերուն դէմ Կարաուրգանի, Սարիղամիշի, Կարսի, Սարդարապատի ճակատներուն: 1923-31 թթ. եղած է Ալեքսանտրապոլի հեծելազօրքի հրամանատար: Մասնակցած է Հայրենական պատերազմին (հարաւ-Արեւմտեան ռազմաճակատ):
1943-ի պատերազմէն յետոյ եղած է ԽՍՀՄ պաշտպանութեան նախարարի տեղակալ, ռազմական ակադեմիայի պետ, զինուած ուժերու թիկունքի պետ: Խորհրդային Միութեան մարշալ է (1955), Խորհրդային Միութեան կրկնակի հերոս (1944, 1977): Վախճանած է 1982 թ. Սեպտեմբեր 21-ին:
Համազասպ Պապաճանեան
Համազասպ Խաչատուրեանի Պապաճանեանը ծնած է 1906թ. Չարդախլու գիւղին մէջ: Ուսումը ստացած է ծննդավայրի դպրոցը, 1925-ին ընդունուած է Երեւանի Միասնիկեանի ռազմական դպրոց:
Ծառայած է Կովկասեան ռազմական ուժերուն մէջ որպէս գունդի հրամանատար:
1975 թ. անոր շնորհուած է զրահաթանկային զօրքերու գլխաւոր մարշալի կոչում: Մահացած է 1977 թուականին Մոսկուայի մէջ:
Յովհաննէս Իսակով
Յովհաննէս (Իւան) Ստեփանի Իսակովը ծնած է 1894 թ. Կարսի մարզի մէջ: 1913 թ. աւարտած է Թիֆլիսի ռիալական ուսումնարանը: Նաւատորմի մէջ ծառայած է 1918-էն՝ «Իզյասլաւլ», «Ռիգա», «Կորչիկ», «Կորշուն» նաւերու վրայ:
1922-27-ին ծառայած է Սեւ ծովային նաւատորմին մէջ: 1928-ին աւարտած է ռազմածովային ակադեմիան, եղած է դասախօս նոյն ակադեմիային մէջ:
1938-46 թթ. ռազմածովային ուժերու շտապի պետն էր, ռազմածովային ուժերու ժողկոմի առաջին տեղակալը: 1942-ին Տունպսէի շրջանին մէջ ծանր վիրաւորուած է: 1947-ին նշանակուած է ծովային ատլասի նախագահ:
Շարք մը գիրքերու հեղինակ եղած է: 1955-էն Խորհրդային Միութեան նաւատորմի ծովակալ, 1965-ին՝ Խորհրդային Միութեան հերոս:
Մահացած է 1967ին:
