Home / Դ / ԱՅԼԱԶԱՆ / Uncategorized / Յեղափոխական Հայուհիներ

Յեղափոխական Հայուհիներ

            «Այն անձը որ իր երիտասարդութեան շրջանին ամուր կերպով չէ կապուած որեւէ մեծ եւ օգտակար գործի, պէտք է ընդունի որ իր երիտասարդութիւնը կորսնցուցած է անարժէք կերպով, որքան ալ այդ երիտասարդութեան շրջանին ունեցած ըլլայ ուրախ եւ քաղցր օրեր»:

            Այս խօսքերը կը պատկանին յեղափոխական հայ կնոջ մը՝ Դարիա Գոլոշեանին:

            Ինչպէս որ հայ կինը առիթ գտած է լծուելու հանրային աշխատանքներուն՝ այր մարդու նման ու անոր կողքին, եւ ինչպէս որ հայ կինը մեծ դեր ունեցած է մշակութային, գրական կամ կրթական ասպարէզներէն ներս՝ այր մարդուն նման ու անոր կողքին, նոյնպէս ալ բովանդակ հայոց պատմութեան ընթացքին, հայ կինը կարողացած է իր կարգին պայքարիլ, ինքզինք վտանգել, իր սէրը զոհել յանուն հայ ժողովուրդին:

            1890-ին, երբ կազմուեցաւ Հայ Յեղափոխականների Դաշնակցութիւնը, «Երիտասարդ Հայաստան»ը իր բոլոր անդամներով մտաւ Դաշնակցութեան մէջ: «Երիտասարդ Հայաստան»ի նուիրուած անդամուհիներէն էին Նաթալիա եւ Սաթենիկ Մատինեան քոյրերը, Դարիա Գոլոշեանը, Սիմոն Զաւարեանի քոյրը՝ Մարօն, Սրբուհի Եգանեանը եւ շատ ուրիշներ:

            Երբ յեղափոխութեան անդրանիկ ձեռնարկը՝ Կուկունեանի արշաւանքը կը պատրաստուէր, կին մը իր երիտասարդ տղուն ձեռքէն բռնած, բերաւ յանձնեց Կուկունեանին, որպէսզի իր զաւակն ալ արժանի ընէ «ազգի փրկութեան ծառայելու»:

            Ուրիշ կին մը Մաքօ անունով, որ լաւ ձի նստիլ եւ հրացան գործածել գիտէր, զինուոր ղրկելիք զաւակ չունէր: Իր զաւակը 8-9 տարեկան էր: Ուստի խնդրեց Կուկունեանէն, որ զինք տանի իբրեւ զինուոր:

            Կին ֆետայիներ հազուադէպ եղած են: Ժամանակի մտայնութիւնը չէր արտօնէր նման բան: թէեւ պատահած է, որ կիներ տղամարդու հագուստներով կռուած են ֆետայական խումբերու մէջ:

            Մեծ է թիւը այն հայ կիներուն, որոնք իրենց ամուսիններուն հրաժեշտ տալով քաջաբար խրախուսեցին. «Ուխտդ ընդունելի ըլլայ, կեանքդ թանկ ծախէ, քանի մը թուրք սպաննէ… յետոյ… »: Շատեր իրենց ամուսիններուն կամ եղբայրներուն հետ միասին տարին յեղափոխական աշխատանք, անոնց կողքին կռուեցան թշնամիին դէմ, ու մինչեւ իրենց վերջին շունչը դիմադրելով նահատակուեցան:

            1915-ին, երբ մեծ թիւով հայ մտաւորականներ ձերբակալուեցան Պոլսոյ մէջ, հայուհիներ գործի անցան: Անոնք պահուած ընկերները տեղափոխեցին, անոնց համար ապահով թաքստոցներ պատրաստեցին, զէնք եւ փամփուշտ փոխադրեցին, Պոլիսէն դուրս գտնուող ընկերներու հետ գաղտնի կապեր պահեցին: Այսպէս գործեցին հայուհիները եւ մէկ բռնուածի տեղ տասը նորեր մէջտեղ եկան իրենց երիտասարդ կեանքը ազգին զոհելու համար:

About admin

Check Also

ԱՐԱՐԱՏ

Արարատ gcse english coursework 765qwerty765

Leave a Reply